Geyim və üslub fərdin daxili aləminin güzgüsüdür. Patrul.az-ın araşdırmalarına görə, gündəlik həyatda normadan çox və diqqətçəkən aksesuarlardan istifadə etmək sadəcə vizual seçim deyil, birbaşa şüuraltı proseslərin və xarakter xüsusiyyətlərinin təzahürüdür.

Çoxsaylı üzüklər, zəncirlər və ya iri qolbaqlar psixologiyada bəzən “zireh effekti” yaradır. İnsan fərqində olmadan özünü xarici aləmdən, tənqidlərdən və ya emosional travmalardan qorumaq üçün bu detalların arxasında gizlənir.

Parlaq və səs-küylü (məsələn, bir-birinə dəyən qolbaqlar) aksesuarlar seçən şəxslər adətən diqqət mərkəzində olmağı sevən, ünsiyyətcil və sosial enerjisi yüksək olan fərdlərdir.

Qəliblərə sığmayan, fərqli material və rəngləri miks edən insanlar sərbəst düşüncəyə və yüksək bədii təfəkkürə malikdirlər. Onlar üçün qaydalar deyil, özünüifadə önəmlidir.

Bəzi hallarda isə aksesuar bolluğu daxili özünəinam əskikliyini və ya emosional boşluğu vizual status nümayişi ilə kompensasiya etmək cəhdidir.

Çox aksesuar taxmaq insanın ya ətrafa qarşı qurduğu güclü bir müdafiə səddi, ya da öz yaradıcı mənliyini dünyaya hayqırma üsuludur.

Cəmilə Cəfərzadə