Xətai rayonunun Əhmədli qəsəbəsində torpaq sürüşməsi baş verib.

Patrul.az-ın məlumatına görə, hadisə Vunq Tau küçəsində yerləşən 9 saylı Uşaq Poliklinikasının həyətində qeydə alınıb.

Sürüşmə nəticəsində torpaq qatı poliklinikanın həyətində park edilmiş avtomobilin üzərinə tökülüb.

İlkin ehtimallara əsasən, torpaq sürüşməsinə gecə saatlarında ərazidə yaşıllıqların həddindən artıq suvarılması səbəb olub.