Dünyanın müxtəlif ölkələrində təqaüd sistemi insanların rifah səviyyəsini əks etdirən ən vacib göstəricilərdən biridir. Bəzi dövlətlər yaşlı əhalinin sosial təminatını o qədər güclü qurub ki, təqaüdçülər rahat həyat tərzi sürür, səyahət edir və gündəlik xərclərini çətinlik çəkmədən qarşılaya bilirlər.

Patrulaz.az təqaüdçülər üçün ən yaxşı imkan olan 5 ölkəni sizə təqdim edir:

Norveç – Neft gəlirləri hesabına yaradılan güclü sosial fond Norveçi dünyanın ən səxavətli təqaüd sisteminə malik ölkələrdən birinə çevirib. Təqaüdçülərə yüksək aylıq məbləğlə yanaşı, əlavə sosial dəstək də göstərilir.

İslandiya – Kiçik ölkə olmasına baxmayaraq, İslandiyada təqaüd şərtləri çox əlverişlidir. Dövlət həm minimum təqaüd verir, həm də şəxsi yığımları dəstəkləyir. Bu model yaşlılara yüksək həyat keyfiyyəti təmin edir.

Hollandiya – Burada təqaüd sistemi dövlət təminatı ilə yanaşı, işəgötürənlərin və şəxsi fondların iştirakı ilə qurulub. Yaşlılar həm sabit gəlir, həm də əlavə sosial güzəştlərlə təmin olunurlar.

Danimarka – Skandinaviya ölkələri arasında nümunəvi modellərdən biri də Danimarkadadır. Təqaüd yaşlıların ehtiyaclarını tam qarşılamaq üçün kifayət qədər yüksəkdir, üstəlik dövlət səhiyyə və mənzil dəstəyi də verir.

İsveçrə – Yüksək iqtisadiyyat və sabit sosial siyasət İsveçrəni də siyahının önündə saxlayır. Burada təqaüd məbləği kifayət qədər yüksəkdir, üstəlik şəxsi yığım və sığorta fondları sistemi ilə birləşdirildiyi üçün yaşlı əhali maddi çətinlik çəkmir.

Göründüyü kimi, bu ölkələrdə təqaüd təkcə aylıq gəlir deyil, həm də sosial təminatın bütöv bir sistemi kimi işləyir. Yaşlılara dəyər verən və onların rifahını prioritet sayan bu model bir çox dövlət üçün örnək ola bilər.

Ləman Sərraf