ABŞ Prezidenti Donald Tramp sosial şəbəkə hesabında özünü və Rusiya Prezidenti Vladimir Putini dünya liderləri ilə müqayisə edib.  

Patrulaz.az xəbər verir ki, O, Putinlə görüş zamanı çəkilmiş fotosunu ABŞ-nin sabiq vitse-prezidenti Riçard Niksonun 1959-cu ildə Sovet lideri Nikita Xruşşovla məşhur “Mətbəx Debatı”ndakı şəkli ilə yanaşı qoyub.

Trampın avqustun 15-də Alyaskada baş tutan görüşdən paylaşdığı fotoda o, barmağı ilə Putinə jest edir. Digər tarixi fotoda isə Nikson və Xruşşov ABŞ və SSRİ-nin siyasi sistemlərinin üstünlükləri barədə qızğın mübahisə apararkən əks olunublar.

Tramp bu addımı ilə özünü Soyuq Müharibə dövründə Kreml lideri ilə sərt debat aparan Niksonla müqayisə edib. Nikson-Xruşşov görüşü həmin dövrün iki fövqəlgücünün qarşıdurmasının simvolu kimi tarixə düşmüşdü.

Beləliklə, Tramp mesaj verməyə çalışır ki, ABŞ-nin maraqlarını qorumaqda o da Nikson qədər prinsipial və sərt mövqeyə sahibdir.

Gülbəniz Səfərova