Yay aylarında evlərimizdə gigiyena və nizam-intizam naminə etdiyimiz ən böyük səhvlərdən biri səhər yuxudan duran kimi dərhal yatağı yığmaqdır. Patrul.az-ın araşdırmalarına görə, bu vərdiş fərqində olmadan evimizdə milyonlarla zərərvericinin çoxalmasına şərait yaradır.

İnsan orqanizmi gecə boyu tərləyir və daxili bədən temperaturu yatağa ötürülür. Yay istilərində bu proses daha da intensivləşir. Səhər oyanan kimi yorğanı dərhal çarpayının üzərinə sərəndə, gecədən qalan rütubəti, təri və istiliyi yatağın içinə həbs etmiş oluruq.

Bu nəm və isti mühit insan gözü ilə görünməyən, ölü dəri hüceyrələri ilə qidalanan mikroskopik çarpayı gənələri (toz mitləri) üçün ideal çoxalma zonasıdır. Nəticədə, səliqəli görünən həmin çarpayı yay boyu allergik reaksiyaların, səbəbsiz dəri qaşıntılarının və astma tutmalarının əsas mənbəyinə çevrilir.

Yayda yataq otağının pəncərəsini açıb, çarpayını ən azı 1-2 saat tam açıq və dağınıq vəziyyətdə saxlamaq lazımdır. Günəş şığı və təmiz hava rütubəti qurudaraq həmin canlıları saniyələr içində məhv edir.

Cəmilə Cəfərzadə