Yağan intensiv yağışlar Bakı-Kürdəmir avtomobil yolunda ciddi problemlərə səbəb olub. Yolun müxtəlif hissələrində yaranan dərin çuxurlar nəqliyyat vasitələrinin hərəkətini xeyli çətinləşdirib.

Sürücülərin Patrul.az-a verdiyi məlumata görə, çuxurların gözlənilməz və təhlükəli olması nəticəsində artıq 30-a yaxın avtomobilin diski qırılıb və onlar yolda qalmalı olublar.

Hazırda ərazidə hərəkət xeyli yavaşlayıb və sürücülərə ehtiyatlı olmaları tövsiyə edilir.

Sürücülər aidiyyəti qurumlardan problemin qısa zamanda aradan qaldırılmasını xahiş edirlər.