Bakı-Quba yolunda iki yük avtomobili toqquşub.

Patrul.az xəbər verir ki, bu barədə informasiyanı Baş Dövlət Yol Polisi İdarəsi (BDYPİ) yayıb.

Mənbə qeyd edir ki, hadisə bu gün saat 12:10-da Bakı-Quba yolunun 43.5-ci kilometrliyində qeydə alınıb.

Yolun kənarında dayanmış İran vətəndaşı Miray Mənsur oğlu Muxtarizərəyə məxsus HOWO markalı, 90-AG-211 dövlət nömrə nişanlı yük avtomobilinə arxadan gələn Babək Şükür oğlu Abbasovun idarə etdiyi 07-SK-687 dövlət nömrə nişanlı MAN markalı yük avtomobili çırpılıb.

Hadisə nəticəsində Babək Abbasov xəsarət alıb.