Azərbaycan Respublikasının Prezidenti İlham Əliyev Qazaxıstanın Türküstan şəhərində keçirilən Türk Dövlətləri Təşkilatının (TDT) Dövlət başçılarının qeyri-rəsmi Zirvə görüşündə iştirak edir.

Patrul.az xəbər verir ki, Azərbaycan dövlətinin başçısını rəsmi şəkildə Qazaxıstan Prezidenti Kasım-Jomart Tokayev qarşılayıb.

Zirvə görüşü çərçivəsində İlham Əliyev və tədbirdə iştirak edən digər dövlət başçıları birgə foto çəkdiriblər.

Səfər zamanı Prezident Türküstan şəhərindəki bir sıra mədəni məkanlar, o cümlədən “Həzrət Sultan” Milli Tarix-Mədəniyyət Muzey-Qoruğu və Xoca Əhməd Yasəvi məqbərəsi ilə tanış olub.

Qeyd edək ki, Qazaxıstanın sədrlik etdiyi bu qeyri-rəsmi sammit “Süni intellekt və rəqəmsal inkişaf” mövzusuna həsr olunub.