İlon Mask Tramp administrasiyasına qarşı mübarizəyə başlayıb.

Patrulaz.az “Yahoo”ya istinadən xəbər verir ki, Tesla SEO-su İlon Mask ABŞ prezidentinin ticarət müşaviri Peter Navarro ilə mübahisəyə başlayaraq, ticarət siyasətlərinə dair mülahizələrini açıq şəkildə ifadə edib. Mask Navarronun Teslanı “avtomobil istehsalçısı” deyil, “avtomobil montajçısı” olaraq təsvir etməsindən sonra ona qarşı sərt tənqidlər irəli sürüb.

Navarro CNBC-yə verdiyi müsahibədə Teslanın Çin və Tayvan hissələrinə güvəndiyini və bu səbəbdən “avtomobil istehsalçısı” kimi xarakterizə oluna bilməyəcəyini bildirmişdi. Bu açıqlamaya cavab olaraq, İlon Mask Twitterdə Navarronu “həqiqətən dəli” və “bir kisə kərpicdən də axmaq” adlandırıb. Mask əlavə edib ki, Tesla ən çox Amerika istehsalı olan avtomobillərə sahibdir və Tesla ABŞ-də ən yüksək şaquli inteqrasiya olunmuş avtomobil istehsalçısıdır.

Maskın tənqidi, xüsusilə Tariff müharibəsi ilə bağlı artan narahatlıqları daha da gücləndirib. Tesla və digər istehsalçılar tarif dəyişikliklərinin təchizat zəncirlərini necə çətinləşdirəcəyini və şirkətlər üçün əlavə maliyyətlər yaradacağını vurğulayırlar.

Mask: “Tariflərlə diqqətli olmaq lazımdır”,- deyərək, bu məsələnin qlobal istehsal prosesləri üçün nə qədər vacib olduğunu qeyd edib.

Bundan əlavə, İlon Mask keçən ilin sonunda Joe Rogan ilə müsahibəsində tariflər məsələsinə də toxunaraq, belə deyib: “Tariflərdə qəfil dəyişikliklər hər şeyi qarışdırır, bilirsinizmi? Siz tariflərin proqnozlaşdırıla bilən olmasını istəyirsiniz”. Mask, həmçinin ABŞ-də istehsalı artırmağa açıq olduqlarını, amma bunun dərhal həyata keçirilə bilməyəcəyini bildirib.

Ümümlikdə, qeyd edək ki, Maskın Trump administrasiyasına qarşı açıq şəkildə irəli sürdüyü tənqidlər və tarif siyasətləri, biznes dünyasında və siyasətdə geniş müzakirələrə səbəb olub.

Gülbəniz Səfərova