İngiltərənin paytaxtı Londonda “dar qayıqlar” adlanan kanallara sığacaq şəkildə dizayn edilmiş qayıqlar, şəhərdə alternativ və sərfəli həyat axtaranların üstünlük verdiyi yerləşdirmə növlərindən biri olaraq önə çıxır.

Patrulaz.az xarici mətbuata istinadən xəbər verir ki, Çay və Kanal İdarəsi (CRT) tərəfindən qoyulan şərtlərə görə, şəhər daxilində kilometrlərlə uzunluğundakı kanallara bağlı qayıqlarda yaşayanların bu həyatı davam etdirmək üçün iki fərqli lisenziyadan birinə sahib olması lazımdır.

Bunlardan birincisi qayıqların marinalarda və limanlarda daimi saxlanmasına imkan verən “Daimi Lisenziya”, digəri isə qayıq sahiblərinin hər iki həftədən bir yer dəyişdirməsini tələb edən “Müvəqqəti Lisenziya”dır.
Ucuz olduğu üçün qayıq sahiblərinin əksəriyyəti Müvəqqəti Lisenziyaya üstünlük verir, ona sahib olanlar isə “Daimi Naviqasiyada olanlar” adlanır.