Səhərlər yorğun bədəni oyatmaq və enerjili başlamaq üçün ilk qəbul etdiyimiz qidalar böyük rol oynayır. Lakin bəzi vərdiş etdiyimiz qidalar var ki, ac qarnına qəbul edildikdə mədə-bağırsaq sisteminə və ümumi maddələr mübadiləsinə ciddi ziyan vura bilir.

Patrul.az-ın apardığı araşdırmalara görə, səhərlər ac qarnına yeyilməsi tövsiyə edilməyən əsas qidalar bunlardır:

1. Şirniyyatlar və Şəkərli Qidalar

Səhər oyanan kimi qanda insulin səviyyəsi normal olur. Ac qarnına şirniyyat, pirojna və ya şokolad yemək qandakı şəkərin qəfil yüksəlməsinə səbəb olur. Bu isə mədəaltı vəzini həddindən artıq işləməyə məcbur edir və qısa müddət sonra enerjinin kəskin düşməsinə, gün ərzində daha tez acmağa şərait yaradır.

2. Qəhvə (Kofe)

Çoxumuzun səhər ritualları arasında ilk yerdə gələn ac qarnına qəhvə içmək, əslində mədəyə edilən ən böyük səhvlərdən biridir. Qəhvə mədədə xlorid turşusunun ifrazını stimullaşdırır. Mədədə qida olmadıqda bu turşu divarları qıcıqlandırır, nəticədə qıcqırma, qaz və zamanla qastrit və ya xora kimi xəstəliklərə yol açır.

3. Sitrus Meyvələri və Şirələri

Portoqol, limon, qreypfrut kimi sitrus meyvələri yüksək miqdarda meyvə turşusu ehtiva edir. Ac qarnına qəbul edildikdə bu turşular mədə selikli qişasını zədələyir, yanma hissi və allergik reaksiyalar yarada bilir.

4. Maya Ehtiva Edən Un Məmulatları

Səhərlər isti bulkalar, kruassanlar və ya xəmir xörəkləri cəlbedici görünsə də, mayalı qidalar ac mədədə qaz və köp yaradır, həzm prosesini ağırlaşdırır.

5. Pomidor və Çiy Tərəvəzlər

Pomidorun tərkibindəki tannik turşusu mədə şirəsi ilə reaksiyaya girərək həzmi çətinləşdirən qruplar yaradır. Eyni zamanda, çiy tərəvəzlər (məsələn, xiyar, kələm) zəngin lif quruluşuna görə ac qarnına həzm olunarkən mədəni gücə salır və ağrılara səbəb ola bilər.

6. Qazlı və Soyuq İçkilər

Səhər tezdən soyuq və ya qazlı içkilər içmək mədə-bağırsaq traktının selikli qişasını qıcıqlandırır və həmin nahiyədə qan dövranını zəiflədir. Bu da gün ərzində həzmin ləngiməsinə gətirib çıxarır.

Bəs Səhəri Nə İlə Başlamaq Lazımdır?

Ən doğru addım günü bir stəkan ilıq su ilə başlamaqdır. Səhər yeməyində isə mədəni yormayan, uzun müddət toxluq verən yulaf sıyığı (herkules), yumurta, kəsmik və ya qoz-fındıq kimi qidalara üstünlük verilməsi tövsiyə olunur.

Cəmilə Cəfərzadə