Rusiya Ukraynaya ağır zərbə endirib.

Patrulaz.az “The Times of İndia”ya istinadən xəbər verir ki, Ukraynanın cənubundakı Kryvyi Rih şəhərinə endirilən raket zərbəsi nəticəsində azı 14 nəfər həlak olub, 50-dən çox şəxs isə yaralanıb.

Hücum şəhərin hərbi idarəsinin rəhbəri Oleksandr Vilkul tərəfindən təsdiqlənib.

Ukrayna Prezidenti Volodimir Zelenski X platformasında paylaşım edərək hadisəyə münasibətini bildirib: “Rusiya raketi yaşayış binalarının yerləşdiyi adi bir şəhər küçəsinə düşüb. İlkin məlumatlara görə, bu, ballistik raket hücumu olub. Hazırda altı uşaq daxil olmaqla 14 nəfərin öldüyü təsdiqlənib”,-deyə qeyd edib.

Qeyd edək ki, prezident Rusiyanın bu hücumunun Moskvanın atəşkəs istəmədiyini və yalnız müharibə arzuladığını sübut etdiyini vurğulayıb.

Gülbəniz Səfərova