ABŞ prezidenti Donald Tramp komandasına kömürlə enerji istehsalına “dərhal” başlamaq səlahiyyəti verdiyini açıqlayıb və digər ölkələrin, xüsusilə də Çinin kömürlə işləyən istilik elektrik stansiyaları açmaqla ölkəsi üzərində iqtisadi üstünlük əldə etdiyini müdafiə edib.

Patrulaz.az xarici KİV-ə istinadən xəbər verir ki, Tramp məsələ ilə bağlı “Truth Social” hesabından açıqlama verib: “İllərlə ətraf mühitin ekstremistləri, dəliləri, radikalları və quldurları tərəfindən əsir götürüldükdən və yüzlərlə kömür zavodu açmaqla digər ölkələrə, xüsusilə də Çinə bizim üzərimizdə böyük iqtisadi üstünlük əldə etməyə icazə verdikdən sonra, komandama dərhal gözəl, təmiz kömürlə enerji istehsalına başlamaq icazəsi verirəm”- deyə, prezident Tramp bildirib.

Tramp vəzifəsinin ilk günündə Alyaskadakı vəhşi təbiət qoruğu da daxil olmaqla bir çox sahədə neft və təbii qaz qazma fəaliyyətini artırmaq üçün fərmanlar imzalayıb.

Prezident Tramp həmçinin enerji layihələri üçün icazə tələblərini asanlaşdıracaq və elektrik stansiyalarının tikintisini sürətləndirəcək Milli Enerji Fövqəladə vəziyyəti elan edən fərman imzalayıb.