Ümumdünya Meteorologiya Təşkilatı (WMO) 2015-2024-cü illərdə iqlim dəyişikliyinin təsirlərinin sürətlə artdığını və bu dövrün “ən isti 10 il” olaraq qeyd edildiyini açıqlayıb.

Patrulaz.az xarici KİV-ə istinadən xəbər verir ki, WMO iqlim dəyişikliyi və onun Yer kürəsinə təsiri ilə bağlı yeni hesabat dərc edib.

Hesabatda iqlim dəyişikliyinin təsirlərinin sürətlə artdığı 2015-2024-cü illər dövrünün “ən isti 10 il” olaraq qeyd edildiyi və 2024-cü ildə qlobal temperaturun 1850-1900-cü illər sənayedən əvvəlki dövrlə müqayisədə ilk dəfə olaraq 1,5 dərəcə selsidən çox artdığı ifadə edilib.

Hesabatda 2024-cü ildə qeydə alınan rekord temperaturların əsas səbəbinin istixana qazı emissiyalarının artması olduğu, planeti soyudan La Nina hava hadisəsinin temperaturun artmasına səbəb olan El Ninoya çevrilməsinin bu yüksəlişi sürətləndirdiyi qeyd olunub.