ABŞ ordusu Karib dənizində narkotacirlərə qarşı əməliyyatları davam etdirir.

Patrul.az xarici KİV-ə istinadla xəbər verir ki, “Cənub nizəsi” adlanan əməliyyat çərçivəsində ABŞ-nin SOUTHCOM komandanlığı dənizdə narkotik daşıyan gəmiyə hücum edib.

Hücum nəticəsində 3 narkotacir öldürülüb. ABŞ hərbçilərindən isə xəsarət alan olmayıb.

Bu son əməliyyatla ABŞ-nin Sakit okean və Karib dənizində keçirdiyi hücumlar zamanı ölənlərin sayı ən azı 151-ə çatıb.

Qeyd edək ki, bu əməliyyatların məqsədi Tramp administrasiyasının Latın Amerikasından ABŞ-yə narkotik axınının qarşısını almaqdır.