Avropa İttifaqı (Aİ) ölkələrində orta ömür uzunluğu 81,4 yaşa yüksəlib.

Patrulaz.az xarici KİV-ə istinadən xəbər verir ki, Avropa Statistika İdarəsi (Eurostat) Aİ ölkələrində orta ömür uzunluğuna dair məlumatları dərc edib.

Məlumata görə, 2023-cü ildə Aİ ölkələrində orta ömür uzunluğu əvvəlki ilə nisbətən 0,8 il artaraq 81,4 yaşa çatıb. Beləliklə, gözlənilən ömür uzunluğu Covid-19 epidemiyasının təsirindən xilas olub və 2019-cu ilin dəyərini keçdi.

Orta ömür uzunluğu 2002-ci illə müqayisədə 3,8 il artıb.

Qadınların orta ömür uzunluğu kişilərinkindən 5,3 il çox olub.

Aİ ölkələrində orta ömür uzunluğu qadınlar üçün 84, kişilər üçün isə 78,7 il olub.

Aİ ölkələrində ən uzun ömür uzunluğu İspaniyada 84, İtaliyada 83,5, Lüksemburq, Malta və İsveçdə 83,4, Fransada 83 il müəyyən edilib.

Almaniyada orta ömür uzunluğu 81,1 il olduğu halda, ən aşağı göstərici Latviyada 75,6 il, Bolqarıstanda 75,8 il və Rumıniyada 76,4 il olub.