Ölkənin bir çox bölgəsində yağışlı və küləkli hava şəraiti qeydə alınıb.

Patrulaz.az  Milli Hidrometeorologiya Xidmətindən verdiyi məlumata görə,  ən çox yağıntı İsmayıllıda müşahidə edilib – 29 mm. Zaqatalada 11 mm, Sarıbaşda (Qax) 10 mm, Astarada 9 mm, İmişlidə isə 8 mm-ə yaxın yağıntı düşüb. Digər rayonlarda yağıntının miqdarı əsasən 1-7 mm arasında dəyişib. Paytaxt Bakı və Abşeron yarımadasında isə cəmi 1 mm-dək yağış qeydə alınıb.

Bəzi ərazilərdə qərb küləkləri güclənib. Küləyin maksimal sürəti Mingəçevirdə 25 m/s, Naftalanda 20 m/s, Goranboyda 19 m/s, Ağdamda 16 m/s, Bakıda və Abşeronda isə 15 m/s-ə çatıb.

Havanın temperatur göstəriciləri bölgələr üzrə fərqlənib:

Bakı və Abşeron yarımadası – 25°C

Aran və Naxçıvan MR – 30°C

Dağlıq rayonlar – 16°C-yə qədər

Qeyri-sabit hava şəraitinin iyunun 18-i gündüz saatlarınadək davam edəcəyi gözlənilir.