Suraxanı rayonu, Dədə Qorqud qəsəbəsinin küçələri bütünlüklə palçıq və gölməçələrdən ibarətdir.

Patrulaz.az-ın qaynar xəttinə daxil olan görüntülərdə vətəndaşlar yolların istifadəyə yararsız olmasından şikayətlənir. Belə ki, çox az yağış yağdığı halda belə bütün yollar istifadəyə yararsız hala düşür. Sakinlər bildirir ki, piyadalar yoldan istifadə etməkdə çətinlik çəkir. Sözügedən küçədən keçdinsə, ünvan başına təmiz halda çatmaq mümkün olmur.