Rusiya Federasiyasının İvanovo vilayətində Azərbaycan diasporunun rəhbəri Asif Məmmədov Rusiya vətəndaşlığından məhrum edilib.

Patrul.az Rusiya mediasına istinadən xəbər verir ki, qərar Rusiya Federal Təhlükəsizlik Xidməti tərəfindən verilib. Buna səbəb kimi isə onun “milli təhlükəsizliyə təhdid yaradan fəaliyyətlərdə” iştirak etməsi göstərilib.

Qeyd edək ki, Asif Məmmədov eyni zamanda “İvanovo Azərbaycanlılarının Milli-Mədəni Muxtariyyəti” ictimai təşkilatının sədri olub.

O, 2025-ci ilin sentyabrında İvanovo Şəhər Dumasına namizədliyini irəli sürmüşdü. Lakin bu məlumatın yayılmasından sonra  İvanovo Seçki Komissiyası onun qeydiyyatını ləğv edib.