ABŞ Prezidenti Donald Tramp Rusiya və Ukrayna arasında müharibənin sona çatdırılması üçün “yaxşı şansın” olduğunu açıqlayıb.

Patrul.az xarici KİV-ə istinadla xəbər verir ki, Tramp bu fikri Floridada Ukrayna nümayəndə heyəti ilə keçirilən danışıqlardan sonra səsləndirib.

“Düşünürəm ki, Rusiya da, Ukrayna da müharibənin bitməsini istəyir”, – deyə ABŞ lideri bildirib.

Qeyd edək ki, ABŞ prezidentinin xüsusi elçisi Stiv Vitkoff və Trampın kürəkəni Cared Kuşner dekabrın 1-də Ukrayna ilə bağlı danışıqlar aparmaq üçün Moskvaya səfər edəcək. Vitkoffun dekabrın 1-də Moskvaya gedəcəyi, dekabrın 2-də isə Rusiya Prezidenti Vladimir Putinlə görüşəcəyi bildirilir.

Donald Tramp özü də xüsusi nümayəndəsinin Rusiya lideri ilə bu həftənin birində görüşəcəyini təsdiqləyib.

Gülbəniz Səfərova