“Müharibə gözlənilməzdir və Ukraynanın hələ də qalib gəlmək şansı var”.

Patrulaz.az “Lenta.ru”ya istinadla xəbər verir ki, bu sözləri ABŞ Prezidenti Donald Tramp Rusiya-Ukrayna müharibəsi barədə danışarkən deyib.

Trampın sözlərinə görə, Ukraynanın müharibədə qalib gəlmək imkanı hələ də qalır:

“Yaxşı, bilərdilər… Onlar yenə də qalib gələ bilərlər. Düşünmürəm ki, qazanacaqlar, amma hər şey mümkündür. Müharibə çox qəribə bir şeydir”, – deyə ABŞ lideri bildirib.

Qeyd edək ki, oktyabrın 23-də ABŞ dövlət katibi Marko Rubio ilə Rusiya xarici işlər naziri Sergey Lavrov arasında görüş planlaşdırılır.

Görüşdə Donald Tramp və Vladimir Putin arasında keçiriləcək sammitin şərtlərinin razılaşdırılması gözlənilir.

Gülbəniz Səfərova