İran İslam İnqilabı Keşikçiləri Korpusu (SEPAH) İsrailin strateji əhəmiyyətli Nevatim və Tel Nof aviabazalarına raket zərbələri endirdiyini açıqlayıb.

Patrul.az xəbər verir ki, bu haqda İRNA məlumat yayıb.

“Əməliyyat sionist rejimin İranın üç müxtəlif bölgəsindəki bir neçə radiolokasiya stansiyasına raket zərbələrinə cavab olaraq həyata keçirilib”, – SEPAH-ın bəyanatında qeyd olunub.

İsrail Müdafiə Qüvvələrinin (IDF) məlumatına görə, onun hava hücumundan müdafiə sistemləri İranın İsrail ərazisinə atdığı bütün ballistik raketləri ələ keçirib.