Avropa İttifaqı (Aİ) Komissiyasının sədri Ursula fon der Leyen bildirib ki, Ukrayna sülh danışıqlarına güclü mövqedə başlamasa, bu, ABŞ-ın, eləcə də Aİ-nin ziyanına olacaq.

Patrulaz.az xarici KİV-ə istinadən xəbər verir ki, “Münhendəki vəzifəmiz təkcə bu yeni geosiyasi mənzərəni müəyyən etmək deyil, onu transatlantik dəyərlərimizin davamlı olmasını və maraqlarımızın müdafiəsini təmin edəcək şəkildə formalaşdırmaqdır” deyən Von Der Leyen qeyd edib ki:

“Çünki bəzilərinin təsir sferaları yaratmaq üçün açıq cəhdləri var. Dünya nizamına dair rəqabətli baxışlar öz yerini qlobal məsələlərə daha tranzaksiyalı yanaşmaya verir. Avropa bu yeni reallıqda inkişaf etmək üçün dəyişməlidir. Qarşıda bizi nələrin gözləməsi ilə bağlı ağıllı və açıq fikirli olmalıyıq.”

Von der Leyen qeyd edib ki, Rusiyadan tutmuş Aİ-nin suverenliyinə və təhlükəsizliyinə, Çin və ABŞ arasındakı ikiqütblü münaqişəyə qədər bir çox problem diqqətlə nəzərdən keçirilməli olan məsələlərdir.