Patrul.az xəbər verir ki, Çində insan müdaxiləsi olmadan fəaliyyət göstərən humanoid robotlar arasında futbol turniri təşkil olunub.

Yarış zamanı süni intellektlə idarə olunan robotlar meydançada müstəqil şəkildə hərəkət edərək ötürmələr verib, qapıya zərbələr endirib və komanda oyunu nümayiş etdiriblər.

Turnirin təşkilatçıları bildiriblər ki, əsas məqsəd gələcəkdə insanların iştirakı olmadan tam avtonom robot idman yarışlarının keçirilməsinə nail olmaqdır. Robotların bəziləri oyun zamanı yıxılsa da, özləri ayağa qalxaraq mübarizəni davam etdiriblər.

Mütəxəssislərin fikrincə, bu cür layihələr süni intellekt və robot texnologiyalarının inkişaf səviyyəsini nümayiş etdirməklə yanaşı, onların idman, təhlükəsizlik və sənaye sahələrində tətbiqi üçün də yeni imkanlar yaradır.

Layihə robot texnologiyalarının real şəraitdə sınaqdan keçirilməsi və gələcək tətbiq imkanlarının genişləndirilməsi baxımından mühüm addım kimi qiymətləndirilir.