Patrul.az-ın qaynar xəttinə daxil olan videogörüntüdə sürücülər Hövsana gedən magistral yolun üzərində, yerüstü piyada keçidinə yaxın ərazidə günlərdir saxlanılan 77-FB-437 dövlət qeydiyyat nişanlı “KIA” markalı avtomobildən şikayət edirlər.

Bildirildiyinə görə, baxımsız vəziyyətdə qalan avtomobil yol hərəkəti iştirakçıları üçün təhlükəli şərait yaradır. Qeyd olunur ki, nəqliyyat vasitəsinin təkərləri boşaldılmış vəziyyətdədir və avtomobil uzun müddətdir həmin ərazidə sahibsiz halda qalıb.