Rusiya məhkəməsi Kursk vilayətində Ukrayna ordusunun tərəfində vuruşan britaniyalı muzdlu döyüşçünü 19 il müddətinə azadlıqdan məhrum edib.

Patrulaz.az xarici KİV-ə istinadən xəbər verir ki, Rusiya İstintaq Komitəsindən verilən açıqlamada, 3-5 mart tarixləri arasında Kursk bölgəsində əsir düşən ingilis muzdlu döyüşçü Ceyms Skott Rhys Andersona qarşı açılan işə 2-ci Qərb Dairə Hərbi Məhkəməsində baxılıb. Açıqlamada Britaniya vətəndaşı olan 22 yaşlı Andersonun Kurskda Ukrayna ordusunun tərəfində döyüşdüyü və cinayət törətdiyi bildirilib.
Qeyd edək ki, 6 avqust 2024-cü ildə Ukrayna əsgərlərinin Rusiya ərazisi olan Kursk vilayətinə daxil olmasından sonra iki ölkə ordusu arasında başlayan qarşıdurmalar davam edir. Kurskda döyüşən ukraynalı əsgərlər arasında xarici muzdluların da olduğu bildirilir.