Soyuducuya yerləşdirdiyimiz yeməklərin və içkilərin qoxuları zamanla bir-birinə qarışaraq xoşagəlməz qoxu yarada bilər. Adi boşaltma və təmizləmə işləri bəzən bu problemin qarşısını almağa kifayət etmir. Ancaq Polşalıların tez-tez istifadə etdiyi sadə, lakin çox təsirli bir üsul bu narahatlığı tamamilə aradan qaldıra bilər.

Patrulaz.az araşdırmasına görə, soyuducuda yaranan qoxuların qarşısını almağın ən asan yollarından biri oraya sadəcə bir rulon tualet kağızı yerləşdirməkdir.

İlk baxışdan qəribə görünsə də, bu üsul bir çox evdə praktik təmizlik və gigiyena həllinə çevrilib. Tualet kağızı sellülozadan hazırlandığı üçün quruluğa malikdir. Bu xüsusiyyət ona soyuducuda toplanan artıq nəmlik və pis qoxuları özünə çəkməyə imkan verir. Beləliklə, həm nəm azalır, həm də arzuolunmaz qoxular yox olur.

Daha güclü nəticə əldə etmək üçün tualet kağızının üzərinə bir az soda və sirkə əlavə etmək mümkündür:

– 2-3 xörək qaşığı qabartma tozu (soda) ilə 1 xörək qaşığı su qarışdırılır;

– Qarışım tualet kağızının səthinə çəkilir;

– İstəyə görə, bir neçə damcı sirkə əlavə edilə bilər.

Bu sadə qarışım soyuducuda yaranan kəskin qoxuları dərhal neytrallaşdırır.

Pis qoxuların qarşısını almaq üçün soyuducunu vaxtaşırı təmizləmək vacibdir. Lakin bu üsul həm nəmlik, həm də qoxu problemlərinə qarşı praktik və qənaətcil dəstək verir. Tualet kağızını hər iki həftədən bir dəyişmək kifayətdir ki, nəticə davamlı olsun.