Suraxanı Rayon İcra Hakimiyyətinin və Respublika Qan Bankının birgə təşəbbüsü ilə Suraxanı Tibb Mərkəzində növbəti dəfə könüllü qanvermə aksiyası təşkil olunub.

Patrul.az xəbər verir ki, tibbi aksiyada Suraxanı Rayon İcra Hakimiyyəti başçısı Aparatının, struktur-bölmələrinin, Suraxanı Tibb Mərkəzinin rəhbərliyi, rayonda fəaliyyət göstərən idarə, müəssisə və təşkilatların əməkdaşları iştirak edib.

Sağlamlıq imkanları uyğun olan 100-dən artıq vətəndaşdan toplanan qan ehtiyatı müvafiq yoxanışlardan keçirilərək talassemiya, hemofiliya və digər qan xəstəliklərindən əziyyət çəkən şəxslər üçün istifadə olunacaq.

Tibbi aksiyanın keçirilməsində məqsəd hemofiliya, talassemiya və digər qan xəstəliklərindən əziyyət çəkən insanlara, xüsusən də uşaqlara yardım etmək və onlar üçün tədarük olunan qan ehtiyatını artırmaqdır.

Qan verərək həyat qurtaran hər kəsə minnətdarlığımızı bildiririk.