Yekaterinburqdakı 1 saylı istintaq təcridxanasında karserdə saxlanılan Sverdlovsk vilayətindəki Azərbaycan diasporunun rəhbəri Şahin Şıxlinski kamera yoldaşı ilə yerləşdirilməsini xahiş edib.

Patrulaz.az xəbər verir ki, regional POC katibi Vladimir Popov “Ura.ru” nəşrinə bildirib ki, Şıxlinskinin saxlandığı kamera təmir edilsə də, onun ölçüləri belə böyük şəxs üçün kiçikdir və vəziyyət çətindir.

Eyni zamanda, Şıxlinski istintaq təcridxanasının əməkdaşlarının onunla düzgün rəftar etdiyini, saxlanma şəraitindən və yeməkdən razı olduğunu bildirib. Əsas problem onun səhhətidir.

POC nümayəndəsi qeyd edib:

“O, qoca və xəstə insandır, təcili yardım tələb edə biləcək xəstəliyi var. Yaxınlıqda həyəcan siqnalı verə və həkimləri çağıra biləcək kamera yoldaşı olmalıdır”.

Qeyd edək ki, POC (Public Oversight Commission) – İctimai Nəzarət Komissiyasıdır və Rusiyada təcridxana və həbsxanalarda saxlanılan şəxslərin hüquqlarının qorunmasını, saxlanma şəraitinin yoxlanmasını təmin edir.