ABŞ prezidenti Donald Tramp bildirib ki, Ukrayna prezidenti Vladimir Zelenskiy bu həftə və ya gələn həftə qiymətli metallar sazişini imzalamaq üçün Ağ Evə gələcək.

Patrulaz.az xarici KİV-ə istinadən xəbər verir ki, Tramp Rusiya-Ukrayna müharibəsini sona çatdırmaq üçün həm Rusiya, həm də Ukrayna tərəfləri ilə danışıqların davam etdiyini və Kiyev administrasiyası ilə qiymətli metallar üzrə razılaşmanın sona çatdığını qeyd edib: “Prezident Zelenski ilə görüşəcəm. Əslində, o, müqaviləni imzalamaq üçün bu həftə və ya gələn həftə gələ bilər. Hazırda saziş üzərində iş gedir. Biz yekun razılaşmaya çox yaxınıq”- deyə, Tramp bildirib.

Tramp açıqlamalarından istifadə edərək, sözügedən razılaşmanın həm ABŞ, həm də Ukrayna iqtisadiyyatına əhəmiyyətli töhfələr verəcəyini də vurğulayıb.