İsrail mətbuatında çıxan xəbərlərə görə, ABŞ-ın Qəzza zolağında, xüsusən də ABŞ-İsrail ikili vətəndaşı olan məhbusların azad edilməsi üçün HƏMAS ilə birbaşa danışıqlar apardığını açıqlaması Təl-Əvivi narahat edib.

Patrulaz.az xarici KİV-ə istinadən xəbər verir ki, İsrailin Walla saytının iki mənbəyə əsaslanaraq verdiyi xəbərdə ABŞ-la münasibətlərdə önə çıxan strateji işlər naziri Ron Dermer, HƏMAS ilə danışıqlar aparan ABŞ-ın girovlar üzrə xüsusi nümayəndəsi Adam Boehler ilə görüşündə “Həmasla razılıq vermədən İsrailə qarşı çıxdıqlarını” bildirib.

İsrailin baş naziri Benyamin Netanyahunun ABŞ-ı tənqid etməkdən çəkindiyi, lakin onun komandasındakı müşavirlərin ABŞ-ın HƏMAS ilə birbaşa danışıqlar aparmasından “çox narahat olduğu” bildirilib.

Görüşlər zamanı ABŞ-ın HƏMAS-a “Qəzza zolağında Amerika vətəndaşı olan İsrailli məhbusların azad edilməsinin Trampın gözündə əminlik yaradacağını və bundan sonra Trampın uzunmüddətli atəşkəs üçün təzyiq edə biləcəyini” çatdırdığı paylaşılıb.