Türkiyənin Sakarya vilayətində  sahibsiz heyvanlara göstərdiyi qayğı ilə tanınan şəxs qeyri-adi səbəblə ölüb.

Patrulaz.az “Sondakika.com”a istinadla xəbər verir ki, Okan Diköz adlı şəxs ölünündən 10 gün əvvəl təngnəfəslik şikayəti ilə xəstəxanaya yerləşdirilib. Müayinələr zamanı onun ağciyərlərində pişik tüklərinin ilişdiyi məlum olub və bu səbəbdən infeksiya yarandığı aşkarlanıb.

Həkimlərin göstərdiyi tibbi müdaxilələrə baxmayaraq, onun həyatını xilas etmək mümkün olmayıb.

Qeyd edək ki, mərhum evində bəslədiyi pişiklər və küçə heyvanlarına göstərdiyi diqqət, mərhəmət ilə ətrafda sevilən bir şəxs kimi tanınırdı.

Faktla bağlı araşdırma aparılır.

Gülbəniz Səfərova