Hollivud ulduzu Ancelina Coli keçmiş həyat yoldaşı, aktyor Bred Pitti təqib etməkdə ittiham edilib.

Patrulaz.az xəbər verir ki, bu barədə “News Nation” nəşri məlumat yayıb.

Məlumata görə, Bred Pitt “Formula-1” filmini tanıtmaq məqsədilə Nyu-Yorka səfər edib və orada sevgilisi İnes de Ramonla birlikdə “Whitby” otelində qalıb. Bildirilir ki, Ancelina Coli də eyni vaxtda Nyu-Yorka gəlib, lakin onun səfərinin səbəbi məlum deyil.

Mənbənin iddiasına əsasən, Colinin bu səfəri keçmiş həyat yoldaşını izləmək məqsədi daşıya bilər.

Qeyd edək ki, 2023-cü il dekabrın 31-də “People” jurnalı Ancelina Coli və Bred Pittin boşanma prosesini rəsmi olaraq başa çatdırmaq üçün razılığa gəldiklərini yazmışdı.