NATO üzvləri Polşa, Litva, Latviya və Estoniya qonşuları Rusiyadan gələn hərbi təhlükə səbəbindən piyada əleyhinə minaları qadağan edən Ottava konvensiyasından çıxmağı planlaşdırır.

Patrulaz.az xarici mətbuata istinadən xəbər verir ki, 160-dan çox ölkə tərəfindən ratifikasiya edilmiş 1997-ci il sazişindən çıxmaq Polşaya və üç Baltikyanı dövlətə yenidən mina yığmağa və istifadə etməyə imkan verəcək.

Dörd ölkənin müdafiə nazirləri birgə bəyanatlarında Rusiya və Belarusla həmsərhəd olan NATO-ya üzv dövlətlərə qarşı hərbi təhdidlərin əhəmiyyətli dərəcədə artdığını bildiriblər.

Bu qərarla açıq bir mesaj vermək istədiklərini bildirən nazirlər, ölkələrini müdafiə etmək üçün hər cür tədbirə hazır olduqlarını bildiriblər.