İtaliya materiklə Siciliya adasını birləşdirəcək 15,5 milyard dollarlıq asma körpü layihəsini gerçəkləşdirməyə doğru irəliləyir.

Patrulaz.az xarici KİV-ə istinadən xəbər verir ki, tikintiyə 2026-cı ildə başlanması planlaşdırılır və layihənin 2033-cü ilə qədər tamamlanacağı gözlənilir.

Uzunluğu 3,3 kilometr olacaq körpü hazırda dünyanın ən uzun asma körpüsü sayılan Türkiyənin Çanaqqala körpüsünü geridə qoyacaq. Layihə çərçivəsində 6 hərəkət zolağı və 2 dəmir yolu xətti nəzərdə tutulub. Bununla da hazırda 100 dəqiqə çəkən bərə keçidi avtomobillə cəmi 10 dəqiqəyə enəcək.

Dizayn Çanaqqala körpüsündən ilhamlanaraq hazırlanıb və güclü küləklərə davamlılığı artırmaq üçün qanad formalı göyərtə ilə təchiz ediləcək.

Layihəni həyata keçirən şirkət, həmçinin körpünün Yaponiya və Kaliforniyadakı analoji nümunələr əsasında zəlzələlərə davamlı olacağını bildirib.