Hindistanda iki qardaş eyni qadınla evlənib.

Patrulaz.az xarici KİV-ə istinadən xəbər verir ki, Hindistanın Himachal Pradeş əyalətinin Şillai kəndində yaşayan Pradeep və Kapil Negi adlı iki qardaş qədim ənənəyə uyğun olaraq Sunita Chauhanla adlı eyni qadınla evləniblər.

Hatti icmasına mənsub olan qardaşlar üç gün davam edən ənənəvi mərasimlə nikah bağlayıblar.

Evlənən qardaşlardan biri Pradeep bildirib ki, onlar bu qərarı birlikdə veriblər və mövcud adət-ənənələrini davam etdiriblər:

“Biz ənənəni açıq şəkildə izlədik, çünki bununla fəxr edirik və bu, birgə qərar idi”.

Qardaşı Kapil isə bildirib ki, iki qardaş həyat yoldaşına qayğı göstərir:

“Biz həyat yoldaşımızı bir ailə olaraq dəstək, sabitlik və sevgi ilə təmin edirik”.

Məlumata görə, Hatti icması arasında bir qadının bir neçə kişi ilə evlənməsi qədimdən bəri mövcud olan adətdir.

Hatti Millət Şurasının baş katibi Kundan Singh Shastri bildirib ki, bu adətin əsas səbəblərindən biri dağlıq ərazidə torpaqların bölünməsinin qarşısını almaq və ailə təhlükəsizliyini təmin etməkdir.

“Təbiət cəmiyyətində bir neçə kişidən ibarət böyük ailə daha çox təhlükəsizlik deməkdir,” – deyə o vurğulayıb.

Qeyd edək ki, bir qadının bir neçə şəxslə evlənməsi bu bölgədə ailə sisteminin qorunması üçün sosial və iqtisadi məqsədlərə xidmət edir.

Gülbəniz Səfərova