22 fevral 2025-ci il tarixində saat 19:10 radələrində 1996-cı il təvəllüdlü gənc şair Həsən Kür ağır bədən xəsarətləri ilə Sabunçu Tibb Mərkəzinə yerləşdirilib.

Patrulaz.az xəbər verir ki, həkimlərin verdiyi məlumata əsasən, 3-cü mərtəbədən yıxılan Həsən Kürə qapalı kəllə-beyin travması, kəllə sümüyünün sınığı və sol bud sümüyünün qapalı sınığı diaqnozları qoyulub. O, dərhal Cərrahi profilli reanimasiya şöbəsinə yerləşdirilib və müvafiq tibbi yardımlar göstərilib.

Sabunçu Tibb Mərkəzinin direktoru Nurəngiz Bəşirovanın təşəbbüsü ilə xəstənin vəziyyəti xüsusi nəzarətə götürülüb. Müalicə reanimasiya şöbəsinin uzman həkimi Leyla Mercan tərəfindən aparılır.

Son məlumata əsasən, reanimasiya şöbəsində həkimlərin səyləri nəticəsində onun vəziyyəti stabilləşib və huşu aydındır. Bir neçə gün sonra ayağınından əməliyyat olunacağı bildirilib.