Avqustun 22-də İranın Sistan və Bəluçistan əyalətində, İranşəhr şəhərində polis avtomobilinə hücum edən şəxslərə qarşı İran Polis Komandanlığı (FƏRACA) əməliyyat keçirib.

Patrulaz.az-ın “Azad İran”a istinadən məlumatına görə, əməliyyat zamanı 14 silahlı zərərsizləşdirilib. Ölənlərdən biri polis, 13-ü isə silahlı qruplaşmanın üzvü olub.

Qarşıdurma səhər saat 5-dən 10-dək davam edib və gərgin anlarla müşayiət olunub. Görüntülərdə İran polisinin silahlı şəxsləri zərərsizləşdirməsi əks olunub.

Xatırladaq ki, “Ceyş ül-Ədl” qruplaşması  hücumdan sonra 5 polisi öldürdüklərini etiraf edərək, hadisənin görüntülərini yaymışdı.

Qeyd edək ki, bu qruplaşma İranın etnik və dini separatçı qruplarından biridir və ölkədə dövlət qüvvələrinə qarşı silahlı əməliyyatlar həyata keçirir.

Gülbəniz Səfərova