İsrailin Qəzzaya hücumları nəticəsində ölənlərin sayı pik həddə çatıb.

Patrulaz.az xəbər verir ki, Fələstin Səhiyyə Nazirliyi İsrailin 7 oktyabr 2023-cü ildən etibarən Qəzza zolağına həyata keçirdiyi intensiv hücumlar nəticəsində ölənlərin sayının 64 522-yə, yaralıların isə 163 096-ya yüksəldiyini açıqlayıb.

Son 24 saat ərzində xəstəxanalara 67 cəsəd və 320 yaralı gətirilib. Cəsədlərdən ikisi əvvəlki hücumlarda dağıntılar altında qalan mülki şəxslərə məxsusdur.

Martın 18-dən bəri İsrailin birtərəfli atəşkəsi pozması nəticəsində 11 976 fələstinli həyatını itirib, 51 055 nəfər isə yaralanıb.

Yardım paylanan ərazilərdə isə ölənlərin sayı 2 416-ya çatıb.

Gülbəniz Səfərova