Müğənni Zahidə Günəş “Öz aramızda” verilişində şəxsi həyatından və keçmişdə etdiyi israfçılıqdan bəhs edib.

Patrul.az “Milli.az”a istinadən xəbər verir ki, ifaçı xüsusilə bahalı kürklərə hədsiz meylli olduğunu etiraf edib.

O bildirib ki, vaxtilə aldığı kürklərə sərf etdiyi vəsaitlə bu gün ən az üç mənzil sahibi ola bilərdi:

“İndiki ağlım olsaydı, o qədər pul xərcləməzdim. Elə şubam olub ki, Azərbaycanda ondan heç kimdə yox idi. Xaricdən 8700 avroya almışdım. Ümumilikdə 7-8 təbii xəzim var. Amma Bakıda geyinmək olmur. Hava o qədər də soyuq deyil, maşın idarə edəndə də çətinlik yaradır”.

Müğənninin etiraf dolu açıqlamaları sosial şəbəkələrdə geniş müzakirə yaradıb.