Bakıda qənd istehsal olunan sexdə faciəli hadisə yaşanıb. 

Patrulaz.az xəbər verir ki, Baş Prokurorluğun mətbuat xidmətindən Lent.az-a verilən xəbərə görə, hadisə sentyabrın 17-də Binəqədi rayonu, Binəqədi qəsəbəsi ərazisində yerləşən müəssisələrdən birində baş verib.

Burada tikişçi işləyən Güllü Qədiməliyeva müəssisə binasının 2-ci mərtəbəsində istifadə olunmayan boş otaqların birinə daxil olarkən döşəmənin sınması səbəbindən binanın birinci mərtəbəsinə beton səthə yıxılıb. Nəticədə qadın aldığı xəsarətlərdən ölüb.

Faktla bağlı Binəqədi rayon prokurorluğunda araşdırma aparılır.