Putin kosmosa nüvə silahları yerləşdirməyi planlaşdırır.

Patrul.az xəbər verir ki, bu barədə ABŞ Kosmik Komandanlığının rəhbəri general Stiven Uaytinq bildirib.

O, ABŞ-nin Putinin kosmosa nüvə silahı göndərmək planından “çox narahat” olduğunu və bunun “kosmik Pearl Harbor”a bərabər ola biləcəyi barədə xəbərdarlıq edib.

Bildirib ki, Aşağı Yer orbitində (300–1200 mil hündürlükdə) baş verəcək nüvə partlayışı bütün kosmik aparatların təxminən 80%-ni (təxminən 10 000 peyki) sıradan çıxara bilər.

Həmçinin belə bir hücum nəticəsində təkcə hərbi kəşfiyyat deyil, gündəlik həyatın ayrılmaz hissəsi olan GPS naviqasiyası, mobil rabitə və internet xidmətləri də bütün dünyada tamamilə dayana bilər.

General həmçinin qeyd edib ki, Rusiyanın hazırda Ukrayna müharibəsi çərçivəsində tətbiq etdiyi intensiv GPS maneələri artıq Avropada mülki təyyarələrin uçuş təhlükəsizliyini riskə atır.