Braziliyanın keçmiş prezidenti Jair Bolsonaro dövlət çevrilişinə cəhd ittihamı ilə 27 il 3 ay müddətinə azadlıqdan məhrum edilib.

Patrulaz.az “BBC”yə istinadən xəbər verir ki, Bolsonaro 2022-ci il prezident seçkilərində Luiz İnasio Lula da Silvaya məğlub olduqdan sonra hakimiyyəti qeyri-qanuni şəkildə əlində saxlamağa çalışmaqda təqsirli bilinib.

Hazırda ev dustaqlığında saxlanılan sabiq prezident beş ayrı ittiham üzrə məsuliyyətə cəlb olunub. Bunlara Lulanı devirmək məqsədilə sui-qəsd hazırlayan “cinayət təşkilatına” rəhbərlik etmək də daxildir. Bu səbəbdən o, ümumilikdə 40 ilə qədər həbs cəzası ilə üzləşə bilər.

Məlumata əsasən, Bolsonaro hələ də ölkədə güclü siyasi dayaqlara malikdir. Onun tərəfdarları hökmün siyasi motivli olduğunu bildirərək küçələrə çıxıblar. Təxminən 40 min nəfərin iştirakı ilə keçirilən aksiyalarda hökmə etirazlar səsləndirilib.

Gülbəniz Səfərova