Astrologiyada bəzi bürclər hisslərini açıq şəkildə ifadə etməkdə çətinlik çəkirlər. Onlar sevgi və bağlılığı daha çox davranışları ilə nümayiş etdirirlər, lakin emosional açıqlıqdan uzaqdırlar.

Patrulaz.az aparılan astroloji təhlilərə əsaslanaraq, sevgisini gizlətməyə meyilli olan 3 bürcü təqdim edir:

Oğlaq bürcü

Bu bürcün nümayəndələri ciddi və məsuliyyətli xarakterləri ilə seçilirlər. Onlar sevgi sözləri və romantik jestlərdən çox, praktiki davranışlarla hisslərini göstərməyi üstün tuturlar. Daha çox işinə yönəlik olan Oğlaqlar üçün sevgi həmişə ikinci planda olur. Realist düşüncələri ilə seçilən bu insanlar sevdiklərinə “obrazlı sözlər” deyil, gerçək hisslərini konkret şəkildə ifadə edirlər.

Əqrəb bürcü

 

 

Əqrəblər çox dərin hisslər yaşasalar da, onları hər kəsə büruzə verməkdən çəkinirlər. Yalnız tam güvəndikləri insana açılırlar. Kənardan soyuq və qapalı görünən Əqrəblər sevgidə romantikadan çox zarafat, sarkazm və gizli işarələrlə hisslərini ifadə edirlər. Bu səbəbdən də onların sevgisini anlamayanlar çox vaxt “laqeyd” zənn edirlər.

Qız bürcü

 

Analitik düşüncə tərzinə sahib olan Qız bürcü duyğularını açıq şəkildə göstərməkdə çətinlik çəkir. Onlar böyük jestlər və pafoslu sözlərdənsə, diqqət, qayğı və xırda xeyirxah hərəkətlərlə sevgilərini nümayiş etdirirlər. Həssas və müşahidəçi olan Qızlar üçün sevgi qarşı tərəfin həyatını daha rahat etmək, ona dəstək olmaqdır.

Bu üç bürcün ortaq xüsusiyyəti odur ki, onlar sevgilərini səssiz şəkildə yaşayırlar. Romantik sözləri dilə gətirməsələr də, davranışları ilə qarşı tərəfə çox dərin bağlılıq göstərirlər. Astroloqların fikrincə, bu cür bürclərlə münasibətdə olanların “sözlərə deyil, davranışlara diqqət etməsi” daha doğru olar. Çünki bəzən ən böyük sevgi bir kəlmə ilə yox, sadə bir diqqət jesti ilə özünü göstərir.