Sumqayıtda fərdi evdə yanğın olub, bir nəfər tüstüdən zəhərlənib.

Patrulaz.az “Report”a istinadən xəbər verir ki, hadisə “Yaşıl dərə” adlanan ərazisində qeydə alınıb.

Məlumata görə, yanğın 1981-ci il təvəllüdlü Səfərəliyev Sahib Novruz oğluna məxsus, ümumi sahəsi 110 kvadratmetr olan fərdi yaşayış evində olub. Hadisə zamanı ev sahibinin həyat yoldaşı, 1987-ci il təvəllüdlü Səfərəliyeva Zəfilə Canmirzə qızı tüstüdən zəhərlənib.

Zərərçəkmiş xəstəxanaya yerləşdirilib.

Qeyd edək ki, yanğın nəticəsində evin bir hissəsi yararsız hala düşüb.