Türkiyədə dəhşətli meşə yanğınları davam edir.

Patrulaz.az Yerli KİV-ə istinadla xəbər verir ki, son bir ayda Türkiyənin müxtəlif bölgələrində baş verən meşə yanğınları nəticəsində 17 nəfər həlak olub.

Bazar ertəsi günü Bursa ətrafında baş verən yanğınlarda 4 nəfər həyatını itirib. Onlardan ikisi yanğınsöndürmə işinə gedən yolda aşmış su tankerindən çıxarılaraq xəstəxanaya aparılsa da, orada vəfat edib. Daha əvvəl bir işçi hadisə yerində, digər yanğınsöndürən isə infarkt nəticəsində həyatını itirmişdi. Həftəsonu isə 3500-dən çox sakin təxliyə olunub.

İyunun sonundan bəri Türkiyənin qərbində, o cümlədən Eskişehirdə baş vermiş yanğınlarda 10 xilasedici könüllü və meşə təsərrüfatı işçisi həlak olub.

Türkiyənin Meşə Təsərrüfatı Naziri İbrahim Yumaklı bildirib ki, bazar günü ölkədə 44 ayrı yanğınla mübarizə aparılıb. Yanğınlar hələ də meşə ərazilərində ciddi ziyan vurmaqdadır.