Avropa Komissiyasının sədri Ursula fon der Leyenin təyyarəsi Bolqarıstanın Plovdiv şəhərindəki Plovdiv Hava Limanına təcili eniş edib.

Patrulaz.az xəbər verir ki, təyyarənin GPS siqnalının itməsi səbəbindən bir saat ərzində hava limanında dövrə vurmalı olan pilotlar eniş üçün kağız xəritələrdən istifadə ediblər.

Avropa Komissiyasının baş sözçüsü Arianna Podesta GPS tıxanmasının faktını təsdiqləyib və təyyarənin təhlükəsiz şəkildə eniş etdiyini bildirib.

Bolqarıstan hakimiyyəti isə hadisənin Rusiyanın hibrid hərbi fəaliyyətinin bir hissəsi olmasından şübhələndiyini açıqlayıb. Avropalı müttəfiqlər Moskvanın Ukraynadakı işğalı zamanı Qərbə qarşı aparılan hibrid müharibə çərçivəsində GPS sistemlərinə müdaxilələrdə ittiham olunmasını qeyd edirlər.

Xatırladaq ki, Avropa Komissiyası belə təhdidlərin NATO tərəfindən dəstəklənən üzv ölkələr və Ukraynaya qarşı düşmənçilik hərəkətlərinin davamlı hissəsi olduğunu bildirir və müdafiə imkanlarını gücləndirməyə davam edəcəyini vurğulayır.