ABŞ-nin Şimali Yəməndə husilərin nəzarətində olan miqrant saxlanma mərkəzinə endirdiyi hava zərbəsi nəticəsində azı 68 nəfər həyatını itirib.

Patrulaz.az “BBC”yə istinadən xəbər verir ki, ABŞ-nin hücumu Yəmənin şimal-qərbindəki Saada əyalətindəki mərkəzə yönəlib. Bombalanma nəticəsində 47 nəfər ağır yaralanıb. Zərbələr zamanı dağıntılar altında çoxlu sayda cəsəd tapılıb.

Husilər, zərbələrin nəticələrinin çox ağır olduğunu vurğulayıb.

ABŞ ordusu zərbələr barədə açıqlama verməyib. Lakin Mərkəzi Komandanlıq martın 15-də prezident Donald Tramp tərəfindən verilən əmrdən sonra husilərə qarşı hava kampaniyasının gücləndirildiyini bildirmişdi. Kampaniya çərçivəsində 800-dən çox hədəf vurulub, yüzlərlə husi döyüşçüsü və yüksək vəzifəli liderlər həlak olub.

Husilərin lideri Kim Abdullah al-Houthi zərbələrin yüzlərlə mülki şəxsin həyatına son qoyduğunu bildirib. Houthi, həmçinin ABŞ-nin Yəməndəki mülki obyektləri hədəf almasının müharibə cinayəti olduğunu da vurğulayıb.

Qeyd edək ki, Yəməndəki vətəndaş müharibəsi son on ildə mütəmadi olaraq humanitar fəlakətə yol açıb, 150,000-dən çox insan həyatını itirib və 19,5 milyon insan müxtəlif humanitar yardımlara ehtiyac duyur. ABŞ-nin Yəmənə etdiyi zərbələr isə müharibənin daha da gərginləşməsinə səbəb olur.

Gülbəniz Səfərova