Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Kaja Kallas Brüsseldə keçirilən Aİ Xarici İşlər Nazirləri Toplantısı öncəsi açıqlama verib.

Patrulaz.az xarici KİV-ə istinadən xəbər verir ki, martın 6-da Suriyanın Latakiya şəhərində baş verən hadisələrə toxunan Kallas, zorakılığın çox narahatlıq doğurduğunu və Suriyada ümidin həqiqətən təhlükə altında olduğunu bildirdi.

Aİ-nin regional tərəfdaşları ilə Suriyadakı prosesə daha çox dəstək verməsi lazım olduğunu bildirən Kallas, şiddət hadisələrinin bu gün xarici işlər nazirləri tərəfindən müzakirə ediləcəyini bildirib.