Bakının Xəzər rayonu Qala qəsəbəsində “Ford” və “Range Rover” markalı avtomobillərin toqquşması bir nəfərin ölümü, dörd nəfərin isə xəsarət alması ilə nəticələnib.

Patrulaz.az “Qafqazinfo”ya istinadən xəbər verir ki, hadisə avqustun 6-da saat 17:30 radələrində qeydə alınıb.

Bakı Şəhər Dövlət Yol Polisi İdarəsindən verilən açıqlamaya əsasən, toqquşma nəticəsində “Ford” markalı avtomobilin sərnişini, 1994-cü il təvəllüdlü Göyüşlü Ləman Elçin qızı hadisə yerində dünyasını dəyişib.

Digər 4 nəfər müxtəlif dərəcəli bədən xəsarətləri ilə xəstəxanaya yerləşdirilib.

Faktla bağlı araşdırma aparılır. Hadisənin dəqiq səbəbləri ekspertiza və istintaqın nəticəsində məlum olacaq.